Film: Kikis budservice

Filmvisning i Bornas Kabuso: Kikis budservice.
Om ei ung heks som prøver å finne plassen sin i verda. Når heksene fyller 13 år skal dei flytte heimefrå, verta sjølvstendige og finne ut kva evner dei har. Ein fullmånekveld klatrar Kiki oppå sopelimen sin, og saman med den snakkande katten Jiji, reiser ho ut i den store verda som eit flygande bod.

1 t 43 min. Tillat for alle

Inga påmelding. Medlemsskap i klubben kostar 90 kronar per born og gir gratis inngang til alle arrangementa hausten 2022. Bornas Kabuso er ein kunst- og filmklubb for alle born. Her viser me mellom anna animasjonsfilm og byr på kreative verkstadar. Nytt denne hausten er at internasjonale kunstnarar som held til i kunstnarhuset Messen i Ålvik leiar verkstaden saman med ein vert frå Kabuso.