Diktardagen 2026

Velkomen til Diktardagen 18. august kl. 18:00  på Hardanger folkemuseum – ei årleg markering av norsk lyrikk og Olav H. Hauge sin fødedag.

I år blir Inger Elisabeth Hansen tildelt Diktartavla 2026. Prisutdelinga finn stad på Diktarstien, der ho får si eiga diktartavle blant nokre av dei fremste norske lyrikarane.

Etter avdukinga held programmet fram inne på museet. Inger Elisabeth Hansen les eigne dikt og møter fyrstekonservator ved Haugesenteret, Stein A. Hevrøy, til samtale om forfattarskapen hennar. Kvelden blir ei markering av eit av dei mest særmerkte lyriske stemmene i norsk samtid.

Inger Elisabeth Hansen debuterte i 1976 og er rekna som ein av våre fremste lyrikarar. Gjennom eit omfattande forfattarskap har ho skrive poesi, essay, prosa og gjendiktingar.

Diktardagen er eit årleg arrangement der Haugesenteret og Hardanger folkemuseum heidrar ein norsk forfattar med ei ny diktartavle på Diktarstien. Stien, som vart etablert på initiativ frå Olav H. Hauge, rommar i dag diktartavler frå ei rekkje av dei viktigaste norske lyrikarane.

Billett: kr 200