Hardanger folkemusikksamling

Ditt regionale folkemusikksarkiv

Hardanger folkemusikksamling er eit regionalt arkiv for folkemusikk i Hardanger. Føremålet er å samla inn og ta vare på folkemusikk- og folkedanstradisjon frå Hardanger, og formidla kunnskap om desse tradisjonane til interesserte brukargrupper.

I samlinga fins det omlag 8000 enkeltkutt med folkemusikkopptak, samt video-opptak med folkedans.

Liste over slåttar og utøvarar

Me har tatt ut lista av slåttar og utøvarar frå arkivprogrammet Fiol og samla det i eit søkbart pdf-dokument. Dersom du er interessert i å få tilsendt kopi av slåttane, ta kontakt med Hardanger folkemusikksamling.

Sjå lista her

Samlinga yter mellom anna tenester som gjeld:

kopi av lydband
utlån av dansevideoar
utlån/kopi av bilete tilknytt folkemusikk og folkedans
utlån/kopi av folkemusikklitteratur
informasjon om folkemusikk

Hardanger folkemusikksamling er eit samarbeidstiltak mellom Hardanger Spelemannslag, Hardanger folkemuseum, Spelemannslaget Kvemmingen og Hordaland Ungdomslag. Samlinga vart skipa i 1984 etter vedtak i dei fire organisasjonane.

Tilgjenge av lydfiler

Framover vil me, i samarbeid med Vestlandsarkivet, arbeida med ei løysing der De kan høyra utdrag av slåttar og songar. Nokre av desse ynskjer me skal vera direkte nedlastbare. Det avheng litt av opphavsrettar, private avtalar med utøvar og restriksjonar i åndsverkslova.

Føl med på sida for å halda deg orientert om utviklinga.

Fotoarkiv

Me ynskjer og å etablera eit fotoarkiv på denne sida, slik at tradisjonen innanfor spel, dans kan illusterast med gamle og nye foto.

Dokumentasjonprosjektet

Arkivet er oppbygd på innsamlingar som har blitt gjort siste 100 år. Dette arbeidet tek aldri slutt. Folkemusikk endrar seg over tid. For å forstå og nyttiggjera seg både endring og utvikling er det naudsynt å dokumentera over tid. Kvar generasjon og utøvar har sin påvirkning på form og utføring, og dette er viktige detaljar å dokumentera. I dag er det mange unge utøvarar innan folkemusikk og folkedans i Hardanger. Hardanger folkemusikksamling arbeider kontinuerleg med nye opptak for å dokumentera deira uttrykk og formidling.

Donering og/eller digitalisering av private opptak

Me set pris på å få inn gamle private lydopptak, film og foto av folkesong, -musikk og -dans.

Dersom du har slike opptak liggjande, tek me dei inn for digitalisering og oppbevaring i arkivet. Origanalen får du attende, eller dei kan donerast til Hardanger folkemusikksamling, dersom det er ynskjeleg.

Kontakt

Arne Fykse

Fokemusikkarkivar

Hardanger folkemusikksamling

Hardanger folkemuseum

Museumsvegen 36

5778 Utne

Tlf: 97168511

E-post arne.fykse@hvm.museum.no