Hardingfele møter kantele

Velkomen til konsert på Hardanger folkemuseum torsdag 28. november kl 19.30. Møt dei to fabelaktige musikarane Sinikka Langeland og Erlend Apneseth; ho meister på kantele, det finske nasjonalinstrumentet, og han på vårt eige nasjonalinstrument, hardingfela. Dei er begge både musikarar og komponistar som vandrar mellom folkemusikk, jazz og samtidsmusikk. Sinikka Langeland er mellom anna kjend for sine tolkingar av eldgamle runesongar og folkemusikk frå Finnskogen, og for tonesetjing av Jon Fosse-tekstar. Erlend Apneseth sitt utgangspunkt er den lokale folkemusikktradisjonen på Jølster og Vestlandet. Dei er begge opne for nye uttrykk og nye samarbeid, og finn stor glede i å utfordre kvarandre og utforske samklangen mellom kantelen og hardingfela.

Hjarteleg velkomne alle!

Konserten er ein del av Førdefestivalen sin VestaFolk-prosjekt, og har støtte frå Vestland Fylkeskommune og Sparebankstiftinga Sogn og Fjordane. Konsertane på Hardanger folkemuseum vert arrangerte i samarbeid med Hardanger folkemusikksamling og med støtte frå Norsk kulturråd.

Her kan du lese meir om musikarane:

www.sinikka.no

www.erlendapneseth.com