Omvisning i museumstunet

Bli med på omvisning i museumstunet i juli.

Tidspunkt i juli:

Onsdagar: kl. 12:00 og 14:00.

Torsdagar: kl. 12:00 og 14:00.

Fredagar: kl. 12:00 og 14:00.

Omvisinga vert avslutta med konsert.

På høgda ovanfor muséet ligg det idylliske museumstunet, forma som eit klyngjetun slik det kan ha sett ut før utskiftinga på slutten av 1800-talet.

Berre to av husa stod opprinneleg på eigedomen, resten er flytta hit frå ulike stader i Hardanger. Husa er innreidd med tidstypiske miljø, slik dei kan ha sett ut då dei var i bruk.

I museumstunet finn ein óg frukthagen. Her fins fleire gamle eplesortar, pærer og moreller.

Her finn ein óg Diktarstien, ein vakker sti av skiferheller med sitat av norske diktarar som har vorte heidra med ein diktartavle i museumstunet.