Arrangementstype Konsert
sept.
lau02sep12:00lau13:00Kammermusikk: Kallestad & OftestadHardanger musikkfest12:00 - 13:00
Om arr.
Kammermusikk i Lagmannsstova! Hardanger Musikkfest sitt stjerneskot 2022, fiolinist Hanna Kallestad tek med seg den prislønna cellisten Birgitta Oftestad til Agatunet, og byr på både eigen musikk og favorittar frå kammermusikkrepertoaret.
Om arr.
Kammermusikk i Lagmannsstova!
Hardanger Musikkfest sitt stjerneskot 2022, fiolinist Hanna Kallestad tek med seg den prislønna cellisten Birgitta Oftestad til Agatunet, og byr på både eigen musikk og favorittar frå kammermusikkrepertoaret. Sigurd Sverdrup Sandmo er vertskap.
Billettpris: Vaksen 300kr/born 100 kr + billettavgift til Ticketco. Billettar kjøpast her.
Om Hanna Kallestad:
Hausten 2022 tok Hanna Kallestad over rolla som konsertmeister i BFUng. Ho byrja å spela fiolin på Bergen kulturskule då ho var 6 år gamal og i dag studerar ho på Norges musikkhøgskole med Henning Kraggerud. Hanna Kallestad har spelt i Bergen Filharmoniske Ungdomsorkester heilt sidan oppstarten i 2015, og saman med gode vener i orkesteret har ho utvikla ein endå større lidenskap for musikk. I tillegg til BFUng har Kallestad blant anna spelt med Ung Filharmoni, Det Norske Kammerorkester, 1B1 og Bergen Unge Kammerorkester. Som solist har ho fått fleire oppdrag på Edvard Grieg Museum Troldhaugen og Ole Bull Lysøen Museum saman med Ole Christian Haagenrud. Hanne Kallestad vart Hardanger Musikkfest sitt Stjerneskot i 2022 og gjestar festivalen for andre gong.
Om Birgitta Oftestad:
Den unge cellisten Birgitta Oftestad studerer for tida ved Norges musikkhøyskole med Torleif Thedéen som hovudlærar. Ho har allereie rokke å vinna heile 18 nasjonale/internasjonale 1. prisar som solist, og i 2021 vart ho yngste vinnar av Oslo Filharmonien sin «Ung Solist konkurranse». I 2018 vann ho NRK sin konkurranse «Virtuos» og dermed også «den norske solistpris». Birgitta Oftestad fekk då representera Noreg i den internasjonale konkurransen «Eurovision Young Musicians» i Edinburgh, der ho kom til finalen. Ho har spelt på ei rekkje festivalar, både som solist og kammermusikar, og i 2019 opna ho Oslo kammermusikkfestival sitt 30-årsjubileum med Bachs cello suite no 4 – 30 år etter Truls Mørk. Ho har hatt eigen recital i Festspillene i Bergen, og vore solist på Frankishe Müsiktage, Alzenau, saman med Diana Adamyan. Arve Tellefsen har omtala ho som eit av dei største talenta han har høyrt. Birgitta Oftestad gjestar Hardanger Musikkfest for fyrste gong.
Båttransport frå Lofthus
Frå Lofthus kan ein ta siderbåten til Aga kl. 11.15, ankomst 11:30.
Vandring opp til Agatunet. Retur med siderbåten kl. 14.10. Ankomst Lofthus 14.25.
Eigen billett til båten kjøpes her. Pris kr 150 t/r Lofthus-Aga.
Tid
(Laurdag) 12:00 - 13:00
fre08sep16:00Bygdapride 202316:00
Om arr.
Bli med på feiring av fargerikt fellesskap i Kvam! Bygdapride 2023 byr på ei rekkje arrangement i Øystese og Norheimsund 4.-9. september. Som tidlegare vil det også vera aktivitet i og kring
Om arr.
Bli med på feiring av fargerikt fellesskap i Kvam!
Bygdapride 2023 byr på ei rekkje arrangement i Øystese og Norheimsund 4.-9. september.
Som tidlegare vil det også vera aktivitet i og kring Kabuso desse dagane. Kom gjerne innom oss fredag 8. og laurdag 9. september for god input og herleg feiring!
Alle arrangement er gratis
Arr: Fargerikt Kvam
Tid
(Fredag) 16:00
Hending på Facebook
>>> Sjekk utlau16sep18:00Marthe Lea band / Ayumi Tanaka trioDobbelkonsert18:00
Om arr.
Hald av 16. september for dobbelkonsert i Kabuso: Marthe Lea band + Ayumi Tanaka trio. Dobbelt so god oppleving! PROGRAM Kl 17: Huset opnar (igjen) Kl 18: Marthe Lea band Kl 19: Ayumi Tanaka trio Marthe
Om arr.
Hald av 16. september for dobbelkonsert i Kabuso: Marthe Lea band + Ayumi Tanaka trio.
Dobbelt so god oppleving!
PROGRAM
Kl 17: Huset opnar (igjen)
Kl 18: Marthe Lea band
Kl 19: Ayumi Tanaka trio
Marthe Lea Band er:
Marthe Lea – saksofon, fløyte, piano, gitar, vokal
Andreas Hoem Røysum – klarinettar
Hans P. Kjorstad – fele, fløyte
Egil Kalman – kontrabass, modulærsynth
Hans Hulbækmo – trommer
Ayumi Tanaka trio er:
Ayumi Tanaka – piano
Christian Meaas Svendsen – bass
Per Oddvar Johansen – trommer
Press Images
Tid
(Laurdag) 18:00
Stad
Hardangerfjordvegen 626, 5610 Øystese
Billettar
>>> KJØPOm arr.
Denne helga står i musikken og Hardanger Skyspace sitt teikn, med albumlansering i Kabuso og framføring av Kristin Bolstad sitt verk Kveld i sjølve lysverket fredag 22. september. (og ja,
Om arr.
Denne helga står i musikken og Hardanger Skyspace sitt teikn, med albumlansering i Kabuso og framføring av Kristin Bolstad sitt verk Kveld i sjølve lysverket fredag 22. september.
(og ja, det er også mogleg å bli med på ein Drink & Draw kl 19 denne kvelden). Laurdag 23. september vert det også høve til å oppleva verket Morgon same stad.
PROGRAM
Fredag 22. sept:
Kl 18, Kabuso kafé: Lansering av albumet Morgon og Kveld (gratis inngang)
Kl 19.30: Frammøte i Hardanger Skyspace for verket Kveld
Kl 19.41: Konsertstart. Varigheit: 45 min.
Laurdag 23. sept:
Kl 06.30: Frammøte for konserten Morgon
Kl 06.34: Konsertstart. Varigheit 41 min.
MORGON og KVELD er opphavleg to stadspesifikke verk for 3 vokalistar og James Turrell sitt lysverk Hardanger Skyspace i Øystese. Komponist er Kristin Bolstad. Medverkande vokalistar er Eira Huse, Linnea Casserly og Bolstad sjølv.
MORGON og KVELD fungerer som speglingar av kvarandre, der det eine verket startar der det andre sluttar, og omvendt. I samanheng vert dei to verka som ein syklus utan ein klar start eller slutt. Verka har ein kontemplativ karakter og søkjer reflektera lyset sin syklus gjennom demring og skumring, og den evige repetisjonen av det å vakna til liv og gå til ro. Langsame endringar er berande for verka og kan på mange måtar minna om ein lydleg meditasjon, slik også Hardanger Skyspace fungerer som ein meditasjon over lyset.
Hardanger Skyspace har som formål å la deg få sjå på himmelen ved soloppgang og solnedgang. Gjennom ei ellipseforma opning i taket ser ein opp på himmelen og korleis lyset endrar seg gjennom demring og skumring, medan skiftande fargar inni rommet manipulerer opplevinga av det ein ser. Hardanger Skyspace inviterer til ei kontemplativ oppleving, men stiller samstundes spørsmål ved vår eiga persepsjon gjennom synsbedraga som oppstår i møtet med lysverket.MORGON og KVELD vart urframført i Hardanger Skyspace i samband med haustjamdøger, september 2022. I konsertversjonen følger verka soloppgang og solnedgang, slik også lysverket i Hardanger Skyspace gjer, og lengda på verka endrar seg dermed i takt med lengda på soloppgang og solnedgang gjennom året. Innspelinga er derimot blitt gjort i studio, og verka har i tillegg vorte omarbeidd og tilpassa eit kortare, meir låtbasert og albumvenleg format, med tanke på utgjeving.
Tid
22 (Fredag) 18:00 - 23 (Laurdag) 07:30
Billettar
>>> KJøpHending på Facebook
>>> Sjekk utlau23sep20:00Erik LukashaugenSkogens visesongar20:00
Om arr.
Opplev Skogens visesongar i Kabuso laurdag 23. september kl 20! Erik Lukashaugen – akustisk gitar, song Tarjei Nysted – fele, nøkkelharpe, mandolin m.m. Erik Lukashaugen fekk gjennombrotet sitt i 2013 med debutalbumet Av
Om arr.
Opplev Skogens visesongar i Kabuso laurdag 23. september kl 20!
Erik Lukashaugen – akustisk gitar, song
Tarjei Nysted – fele, nøkkelharpe, mandolin m.m.
Erik Lukashaugen fekk gjennombrotet sitt i 2013 med debutalbumet Av en sliters memoarer. Albumet inneheld tonesette dikt av tømmerhoggaren Hans Børli. Albumet fekk topp tilbakemeldingar frå kritikarane og Lukashaugen vart tildelt Vidar Sandbeck sin kulturpris Regnbågåbrua.
Hausten 2021 slapp elverumsingen sitt femte album, Det vi rakk, som hausta lovord for både tekstar og musikk.
Den siste tida har artisten komponert ny og eksperimentell musikk som venteleg vil bli framført i Kabuso denne kvelden.
Lukashaugen har sidan starten vore ein av landets mest nytta viseartistar og har spelt meir enn 800 konsertar over heile landet. På scenen har han med seg gitarar og harmonium, samt ein stor porsjon improvisert humor.
Makkeren hans, multiinstrumentalisten Tarjei Nysted, er ei konsertoppleving åleine med sitt store talent og rikhaldige instrumentpark med m.a. nøkkelharpe, fiolin, mandolin, autoharpe pg stroviol.
>>> Nettstaden til Lukashaugen
Tid
(Laurdag) 20:00
Billettar
>>> KJØPokt.
ons04okt20:00UTSELD: Sigvart Dagsland trio20:00
Om arr.
Gå ikkje glipp av denne konserten med ein av våre mest etablerte artistar: Sigvart Dagsland byr inn til konsert i trioformat i Kabuso - 4. oktober kl 20! Her er det
Om arr.
Gå ikkje glipp av denne konserten med ein av våre mest etablerte artistar: Sigvart Dagsland byr inn til konsert i trioformat i Kabuso – 4. oktober kl 20!
Her er det stor sjans for å høyra Ka e du redd for, Alt eg såg og mange andre favorittar signert Dagsland.
Sigvart Dagsland – vokal, piano
Torjus Vierli – keyboards, vokal
Jango Nilsen – trommer, vokal
Songaren og låtskrivaren har gitt ut 20 soloalbum og held kring 40 konsertar over heile landet kvart år.
Dagsland fekk Prøysenprisen i 2009, har vore nominert til Spellemannsprisen 3 gongar og motteke denne 1 gong.
Han har seld over ein halv million plater.
>>> Sjå nettstaden til Dagsland
Tid
(Onsdag) 20:00
Stad
Hardangerfjordvegen 626, 5610 Øystese
Billettar
>>> KJøpfre20okt19:00Andy Sheppard & Espen Eriksen trioMELANKOLSK OG OPPLØFTANDE19:00
Om arr.
Andy Sheppard - saksofon Espen Eriksen - piano/komposisjon Lars Tormod Jenset - kontrabass Andreas Bye - trommer Bristiske Andy Sheppard er ein av Europas fremste saksofonistar og har hatt stor innflyting på den internasjonale
Om arr.
Andy Sheppard – saksofon
Espen Eriksen – piano/komposisjon
Lars Tormod Jenset – kontrabass
Andreas Bye – trommer
Bristiske Andy Sheppard er ein av Europas fremste saksofonistar og har hatt stor innflyting på den internasjonale jazzscena. I samspel med ein ein av våre aller beste pianotrioar, Espen Eriksen trio, ligg det dermed an til ei framifrå oppleving – i Kabuso fredag 20. oktober kl 19.
Bandet er kjend for melodisk minimalisme, subtile komposisjonar og vakre, lyriske stemningar gjennom fleire strålande album på plateselskapet Rune Grammofon og konserter verda rundt.
For å sitera BBC si melding av trioen si andre plate:
”A wonderfully plaintive jazz record, abandoned to the lost art of melodic minimalism, stripped back and beautifully near bare. No smoke and mirrors, just the graceful chemistry of superb musicians at the top of their game”.
Me ynskjer velkomen til ein konsert med fengslande og lyriske songar – ofte melankolske og oppløftande på same tid
Tid
(Fredag) 19:00
lau21okt16:00Greg NiemczukKlassisk flygelkonsert16:00
Om arr.
Pianist Greg Niemczuk byr på Chopin og Grieg i kammermusikksalen i Kabuso laurdag 21. oktober kl 16: Chopin og Grieg - to musikalske brør PROGRAM: 1. avdeling · Edvard Grieg: Hommage á Chopin op.
Om arr.
Pianist Greg Niemczuk byr på Chopin og Grieg i kammermusikksalen i Kabuso laurdag 21. oktober kl 16:
Chopin og Grieg – to musikalske brør
PROGRAM:
1. avdeling
· Edvard Grieg: Hommage á Chopin op. 73 nr. 5
· Edvard Grieg; Notturno op. 54 nr. 4
· Frédéric Chopin: Nocturne op. 15 nr. 2
· Edvard Grieg;: Sommerfugl op. 43 nr. 1
· Frédéric Chopin: Etyde op. 25 nr. 9 –(Sommerfugl)
· Edvard Grieg: 25 Norske folkedanser og folkesanger op. 17:
Nr. 1 – Springdans Nr. 5 – Jølsring
Nr. 7 – Halling Nr. 18 – Stabbe-låten
· Frédéric Chopin: 5 Mazurkas op. 6: nr. 1, nr. 2, nr. 3, nr. 5
Mazurka op. 56 no.2
· Edvard Grieg;: 4 Norske folkedanser op. 35:
1. Allegro moderato
2. Allegretto tranquillo e grazioso
3. Allegro moderato alla Marcia
4. Allergro molto
Pause
2. avdeling
· Frédéric Chopin: Nocturne Ess-dur Op. 9 Nr. 2
· Edvard Grieg: «Jeg elsker deg» – op. 5 nr. 3
· Frédéric Chopin: Scherzo nr. 2 b-moll Op. 31
· Edvard Grieg: «Peer Gynt»-suite op. 46 nr. 1
1. Morgenstemning
2. Mor Åses død
3. Anitras dans
4. I Dovregubbens hall
· Frédéric Chopin: Polonese Ass-dur Op. 53 nr. 6 “Den heroiske”
Greg Niemczuk har ei verdsomspennande karriere og nesten 20 års erfaring som konsertpianist. Han har halde meir enn 500 konsertar i 36 land over heile verda og på alle kontinent.
Greg Niemczuk er høgt respektert av musikk-kritikarane.Og ikkje minst er han elska og beundra av eit stort publikum for sitt poetiske og kjenslevare spel og i sin lindenskaplege virtuositet.
Noreg er blant favorittlanda hans og kvart år opptrer han i meir enn 30 ulike byar og tetstadar over heile landet. Uoffisielt er han den mest turnerande pianisten i Noreg!
Niemczuk knyter saman musikken han spelar med ord – og forklarar dei klassiske verka for publikum. Difor er ikkje berre kjend for spelet sitt, men også for si evne til å få kontakt med publikum. Han gjer den klassiske musikken lett forståeleg og underhaldande, sjølv for dei som ikkje er trente lyttarar av klassisk musikk.
Greg Niemczuk har gjennom karriera si vunne mange klaverkonkurransar og prisar – m.a. i New York (Carnegie Hall Debut Competition) og Warzawa (Den nasjonale Chopin-konkurransen 2010).
Han er elles svært aktiv på internett og via YouTube gjer han klassisk musikk populær blant musikkelskarar over heile verda.
Tid
(Laurdag) 16:00
Stad
Hardangerfjordvegen 626, 5610 Øystese
Billettar
>>> KJøplau28okt13:00KakaokonsertUnge talent13:00
Om arr.
Lat deg sjarmera av unge talent frå Kvam kulturskule - laurdag 28. oktober kl 13! Fire gongar i året byr kulturskulen inn til konsert i Kabuso - for å la deg
Om arr.
Lat deg sjarmera av unge talent frå Kvam kulturskule – laurdag 28. oktober kl 13!
Fire gongar i året byr kulturskulen inn til konsert i Kabuso – for å la deg og dine oppleva kva dei held på med.
Då kan du lena deg tilbake og høyra alt frå den vakraste song til den råaste gitarsoloen.
Du vil garantert bli både imponert, rørt og sjarmert – kakaokonsertane byr alltid på gode overraskingar!
Før og etter konserten kan du gjerne nyta kafélivet på huset – sjølvsagt med m.a. varm kakao og tilbehør på menyen.
Billettar: 50,- (born/vaksen)
NB! KabusoVen gjeld ikkje på kakaokonsertar då desse er ferdig rabatterte
Arr: Kvam kulturskule og Kabuso
Tid
(Laurdag) 13:00
lau28okt20:00Utseld: Tønes duoViser & humor20:00
Om arr.
Ein laurdagskveld med Tønes duo - aiai! Hald av 28. oktober og still med gensaren rett veg kl 20 - for songar om yatzy, bondeliv og waldorfsalat og slikt. Det er
Om arr.
Ein laurdagskveld med Tønes duo – aiai! Hald av 28. oktober og still med gensaren rett veg kl 20 – for songar om yatzy, bondeliv og waldorfsalat og slikt.
Det er ei god stund sidan Tønes og Erlend Aasland stod på same scene, men no vert duoen endeleg foreina igjen.
Frank Tønes Tønnesen kjem frå den vesle bygda Sokndal i Rogaland og er ein av landets beste låtskrivarar og tekstforfattarar. Han har gjennom åra fått ein del merksemd for dei finurlege og insiktsfulle dialekt-tekstane sine om smått og stort. I løpet av haustens turne kan det henda ein blir introdusert for nokre nye slike. Men det er ingen som lovar noko. I alle fall ikkje Tønes.
Tønes har gitt ut 8 album, 4 EP-ar og skrive ei bok. Han har vunne Prøysenrpisen, Dialektprisen og 4 Spellemannsprisar (vise/tekstforfattar).
Den sprudlande multiinstrumentalisten Erlend Aasland har ei bemerkelsesverdig evne til å meistra eit stort antal instrument og låtar på kort tid. Ingen veit kva slags nye instrument som vil dukka opp i haust. Sannsynlegvis ikkje han sjølv ein gong.
Velkomen til ein uforgløymeleg kveld i Kabuso!
Foto: Jan Ansgar Omdahl
Tid
(Laurdag) 20:00
Stad
Hardangerfjordvegen 626, 5610 Øystese
nov.
sun12nov18:00Christian Wallumrød ensemble18:00
Om arr.
Sundagskvelden 12. november kl 18 byr Kabuso på Christian Wallumrød ensemble (CWE) CWE debuterte på Kongsberg jazzfestival i 2022 og har sidan spelt nærare 200 konsertar i Noreg og elles i
Om arr.
Sundagskvelden 12. november kl 18 byr Kabuso på Christian Wallumrød ensemble (CWE)
CWE debuterte på Kongsberg jazzfestival i 2022 og har sidan spelt nærare 200 konsertar i Noreg og elles i Europa, pluss USA Canada og Japan.
Wallumrød sitt mangeårige samarbeid med produsent Manfred Eicher har resultert i 5 utgjevingar med CWE på ECM Records. Albumet Outstairs vart heidra med ein ein Spellemannspris. Ensemblet har også gitt ut albuma Kurzam and Fulger (2016) og Many (2020, nominert til Spellemannpris) på Hubro Music. Samtlege album har vorte møtt med stor entusiasme blant kritikarane og publikum kring i verda. Fleire av utgjevingane har også havna på ulike årsbeste-lister i nasjonale og internasjonale media.
«Jeg vet knapt om noen som har tilført norsk musikkliv mer nyskapt særpreg enn Christian Wallumrød de siste tiårene»
Arild R. Andersen, Aftenposten
«The album is a masterpiece, by one of the most important living improvisers and composers»
Andy Hamilton, Jazz Journal (om albumet Many)
Tid
(Sundag) 18:00
Stad
Hardangerfjordvegen 626, 5610 Øystese
tors16nov19:00Gabriels NovgorodFolkemusikk19:00
Om arr.
Gabriel Fliflet stiller med eit stjernelag av musikarar - kjende frå mellom anna Real Ones - i Kabuso mandag 16. november kl 19 Gabriel Fliflet (trekkspel, vokal) David Chelsom Vogt (fele, vokal) Kristoffer
Om arr.
Gabriel Fliflet stiller med eit stjernelag av musikarar – kjende frå mellom anna Real Ones – i Kabuso mandag 16. november kl 19
Gabriel Fliflet (trekkspel, vokal)
David Chelsom Vogt (fele, vokal)
Kristoffer Chelsom Vogt (kontrabass, vokal)
Jørgen Sandvik (gitar, vokal)
Om Novgorod:
«Det er på tide at noen leverer musikken som dufter av solbelyste tømmervegger og syder av tjern og myrer. Det er på tide at noen gir oss musikken fra lave trebyer ved Østersjøen, fra hodeløse vodkafester med saltagurk, honning og smetana i etterkrigstidens nye lavblokker.
Noen må nå komme med den fyrrige musikken som rant ut fra cabaretlokalet, som fløt opp fra dansebanen ved elven, og valsene, verdens vakreste…
Novgorod vil hente fram denne musikken: Musikken som er russisk, finsk, jødisk, nordsvensk, sigøynsk. Moll-dominert og melankolsk. Vill og vital!»
På konsert med Novgorod kan du få høyra originale tolkingar av hardtsvingande finsk humppa, jiddisk tango og lengtnadsfulle valsar, nordsvensk swing (med kosakktrinn) og lærerike songar på tysk av Bertold Brecht/Kurt Weill. Med innleving og temperament og kraftfull firstemt song. På eit utal språk.
Novgorod vart danna i 2003 og har m.a. spelt på Festspillene i Bergen, Nattjazz, VossaJazz, Balkanfest, Litteratursymposiet i Odda, Hardingtonar, Columbi Egg og Riksscenen – og i Kabuso.
Gabriel Fliflet er vaksen opp til lyden av svensk, finsk og norsk song. Kåra til årets folkemusikar i 2011. Mange kjenner Fliflet frå samarbeidet med trommeslagar Ole Hamre i dueon Fliflet/Hamre. I denne samanhengen ausar han av kjennskapen sin til etnisk populærmusikk frå sitt finske fødeland, sigøynarmusikk m.m.
David Chelsom Vogt og Jørgen Sandvik har spela saman sidan dei var små. Best kjend er dei frå bandet Real Ones, som starta med irsk og britisk folkemusikk og etterkvart utvikla sin eigen fengande pop-stil med impulsar frå eit utal etniske tradisjonar. Kritikaryndlingar, bylarmprisen 2007, Spellemannsprisen 2013.
Prisløna Kristoffer Chelsom Vogt deltek med storebror David i nyskapande Kniv og Taffel Swingjazzorkester og med Gabriel Fliflet i bl.a. verket Åresong. Både Kristoffer Vogt og Jørgen Sandvik var sentrale i Fliflet sitt bestillingsverk til Vossajazz 2013 – Valseria.
Frå pressa:
”En opplevelse man sent vil glemme… Disse guttene har spilleglede i høysetet.” (Fanaposten)
”Alle lar seg begeistre av denne humørfylte kvartetten” (Bergens Tidende)
«Macho er tilbake. Etter ein time med finske tømmerfløytarsongar og annan djuprøysta, melankolsk musikk vandra vi ut lett øsne. Ikkje visste vi at musikk frå våre austlege naboland kunne vere så macho! Mannenmannen har vore ute i minst tre tiår, men om Novgorod gjer det stort – som dei burde, er han på veg inn igjen.”
(Lesarinnlegg av journalist Katrine Sele i bladet Folkemusikk )
Tid
(Torsdag) 19:00
des.
lau16des13:00KakaokonsertUnge talent13:00
Om arr.
Lat deg sjarmera av unge talent frå Kvam kulturskule på årets siste Kakaokonsertt - laurdag 16. desember kl 13! Fire gongar i året byr kulturskulen inn til konsert i Kabuso -
Om arr.
Lat deg sjarmera av unge talent frå Kvam kulturskule på årets siste Kakaokonsertt – laurdag 16. desember kl 13!
Fire gongar i året byr kulturskulen inn til konsert i Kabuso – for å la deg og dine oppleva kva dei held på med.
Då kan du lena deg tilbake og høyra alt frå den vakraste song til den råaste gitarsoloen.
Du vil garantert bli både imponert, rørt og sjarmert – kakaokonsertane byr alltid på gode overraskingar!
Før og etter konserten kan du gjerne nyta kafélivet på huset – sjølvsagt med m.a. varm kakao og tilbehør på menyen.
Billettar: 50,- (born/vaksen)
NB! KabusoVen gjeld ikkje på kakaokonsertar då desse er ferdig rabatterte
Arr: Kvam kulturskule og Kabuso
Tid
(Laurdag) 13:00
Program
sun07mai(mai 7)17:30fre06okt(okt 6)15:00Ingunn van EttenBilete og bok(mai 7) 17:30 - (okt. 6) 15:00
Om arr.
Bilete og bok Utstillinga Bilete og bok viser om lag 80 illustrasjonar frå sju bøker, alle illustrert av Ingunn van Etten. I tillegg viser ho bokomslag og illustrasjonar frå bøker og
Om arr.
Bilete og bok
Utstillinga Bilete og bok viser om lag 80 illustrasjonar frå sju bøker, alle illustrert av Ingunn van Etten. I tillegg viser ho bokomslag og illustrasjonar frå bøker og magasin. Nokre av illustrasjonane er vist offentleg tidlegare, andre ikkje. Utstillinga opnar sundag 7. mai kl 17.30, og står til fredag 6. oktober 2023.
Utstillinga er eit tverrsnitt av van Ettens produksjon av illustrasjonar, og eit portrett av ein illustratør frå debuten fram til i dag; ein kunstnar som let fantasien få vengjer og hjelper sjåaren til å flyga.
«Fargar og former er mitt uttrykksmiddel. Eg er oppteken av kommunikasjon, mellom menneske og mellom menneske og det som er rundt. Det symbolske spelar ei stor rolle, humor, leik og spel er andre viktige faktorar. Vekselbruk mellom frie arbeid og arbeid knytt opp til ein tekst er stimulerande og utviklande og høver godt for meg». (Ingunn van Etten)
Van Etten debuterte med måleriutstilling på Hardanger folkemuseum i 1976, like etter at ho kom heim etter utdanning utanlands. To år seinare debuterte ho som illustratør. Deretter vart det fruktbart vekselbruk mellom tekst og bilete og frie måleri, slik ho drøymde om at hennar kunstnarliv skulle vera.
Bokillustrasjonar på utstilling
Gjennombrotet som bokkunstnar kom med illustrasjonane til Tordenguden av Tor Åge Bringsværd (i serien Vår gamle gudelære) og Den dagen det regna kattungar av Hans Sande. Biletkunstnaren har også forfatta to bøker – og sjølvsagt illustrert dei: Trollkjerringa i Hausafjellet og Meistersmeden. Båe baserte på lokale segner. Det var viktig å finna ut korleis ting såg ut på den tida historiene gjeng føre seg for å få illustrasjonane autentiske og truverdige. I dette arbeidet var museet på Utne med sine samlingar ein svært god stad å gjera research, og mykje tid vart også brukt i det lokale biblioteket på Utne. Også i nærmiljøet var inspirasjon og svar. Hjå ein lokal smed fann ho ut korleis dei ulike arbeidsreiskapane såg ut og korleis smeden jobbar i dei ulike prosessane.
I utstillinga Bok og bilete er det også henta fram gjenstandar frå samlingane til museet. Slik vert det ein raud tråd mellom bileta og staden dei vert viste.
Skuleelevar skal og få høve til å djupdykka i van Etten sitt univers gjennom eit pedagogisk opplegg der dei får sjå illustrasjonane i samanheng med aktuelle historiske gjenstandar.
Til utstillinga er det laga katalog med tekst av Mette Bleken.
Biletet er frå boka Sprettert og eg av Hans Sande og Ingunn van Etten.
Tid
Mai 7 (Sundag) 17:30 - Okt. 6 (Fredag) 15:00
Om arr.
Sy din eigen bringklut Hardanger folkemuseum og Folgefonn husflidslag arrangerer fleire helgekurs der me tek for oss dei ulike teknikkane som er nytta til hardangerbunaden. På dette kurset får du læra
Om arr.
Sy din eigen bringklut
Hardanger folkemuseum og Folgefonn husflidslag arrangerer fleire helgekurs der me tek for oss dei ulike teknikkane som er nytta til hardangerbunaden. På dette kurset får du læra å sy Holmabringklut eller hjartebringklut. Ein kan og sy andre bringklutar på raudt klede, t.d. med perlenett eller med stor åttebladrose. Ein vel sjølv om ein vil sy det eine eller det andre.
Holmabringkluten har namnet sitt etter systrene Kølle som budde i Holmen i Ulvik tidleg på 1800-talet. De sydde mange bringklutar for sal, og er særleg kjend for bringklutar med applikerte åttebladroser.
Hjarteforma kom på moten kring 1840, og var nytta som motiv på fleire bringklutar. Ofte nytta ein stråperler til å laga hjartet, og pynta inni med både stråperler og andre perler.
Andre bringklutar med perler sydd på raudt ullstoff har ofte ein stor åttebladrose i midten, og to halve åttebladroser på kvar side.
Perlenett kan ein tre med ei eller to nåler. Nettet vert sidan montert på raudt ullklede.
Tidspunkt og påmelding
Museet og husflidslaget sett opp to bringklut-helgekurs i 2023, med Agnete Sivertsen som kurslærar.
Det eine kurset vert om våren, fredag 24. til sundag 26. februar på Hardanger folkemuseum, kl 09.30 – 17.00 kvar dag. Påmelding til post@hvm.museum.no /tlf 474 79 884 innan 1. februar 2023
Det andre kurset vert om hausten, fredag 29. september til sundag 1. oktober, på Hardanger folkemuseum, kl 09.30 – 17.00 kvar dag. Påmelding til post@hvm.museum.no /tlf 474 79 884 innan 1. september 2023
Andre tidspunkt kan og avtalast, me arrangerer kurs for grupper heile året.
Ved færre enn 4 påmeldte deltakarar kan kurset verta avlyst.
Prisar
4200,- pr kurs for medlemmar i Folgefonn/Norges husflidslag.
4700,- pr kurs for ikkje-medlemmar
Kurset inkluderer kaffi, kaker og varm lunsj alle dagar. Kursmateriell kjem i tillegg, alt etter kva ein vel å sy.
NB! Kurset er utvida til tre dagar, fredag til sundag, slik at ein skal koma lengst mogleg med bringkluten. Om ein berre kan vera med to dagar er det også mogleg. Ta kontakt, så finn me ut av det.
Overnatting
Museet har avtale med Utne hotell, som ligg rett ved museet. Deltakarar på kursa får 10% rabatt på overnatting her. Ta gjerne direkte kontakt med hotellet på reception@utnehotel.no og skriv at du skal på kurs. Overnattinga på hotellet inkluderer frukost og femrettars middag. Sjå også utnehotel.no
Det er og råd å finna overnatting gjennom t.d. Airbnb.
For spørsmål og meir informasjon, kontakt Agnete Sivertsen, tlf 95 93 46 98, agnete.sivertsen@hvm.museum.no
Andre kurs finn du her
Tid
Sept. 29 (Fredag) 09:30 - Okt. 1 (Sundag) 17:00
Om arr.
Lær å sy svartsaum og smøyg Hardanger folkemuseum og Folgefonn husflidslag arrangerer helgekurs der me tek for oss dei ulike teknikkane som er nytta til hardangerbunaden. På dette kurset får du
Om arr.
Lær å sy svartsaum og smøyg
Hardanger folkemuseum og Folgefonn husflidslag arrangerer helgekurs der me tek for oss dei ulike teknikkane som er nytta til hardangerbunaden. På dette kurset får du læra å sy smøyg. Ein vel sjølv om ein vil sy bringklut, belte, eller svartsaum til skjorte eller kaps.
Smøyg er ein svært gamal broderiteknikk, som i utsjånad liknar på veving. Den har vore mykje nytta på bringklutar og belte, og er førebiletet til dei vevde bringklutane mange nyttar i dag. Smøyg har og vore nytta på skjortekragar og på kaps, då som svartsaum.
Kurslærar er konservator på Norsk folkemuseum, Kari-Anne Pedersen. Ho har mellom anna jobba mykje med broderi på skjorter frå Telemark, som har svært forseggjorte smøygbroderi.
Tidspunkt og påmelding
Kurset vert laurdag 7. og sundag 8. oktober, på Hardanger folkemuseum, kl 09.30 – 17 kvar dag.
Påmelding til post@hvm.museum.no / tlf 474 79 884 innan 15. september
Andre tidspunkt kan og avtalast, me arrangerer kurs for grupper heile året.
Ved færre enn 4 påmeldte deltakarar kan kurset verta avlyst.
Prisar
3200,- pr kurs for medlemmar i Folgefonn/Norges husflidslag.
3700,- pr kurs for ikkje-medlemmar
Kurset inkluderer kaffi, kaker og varm lunsj begge dagane.
Kursmateriell kjem i tillegg, alt etter kva ein vel å sy.
Overnatting
Museet har avtale med Utne hotell, som ligg rett ved museet. Deltakarar på kursa får 10% rabatt på overnatting her. Ta gjerne direkte kontakt med hotellet på reception@utnehotel.no og skriv at du skal på kurs. Overnattinga på hotellet inkluderer frukost og femrettars middag. Sjå også utnehotel.no
Det er og råd å finna overnatting gjennom t.d. Airbnb.
For spørsmål og meir informasjon, kontakt Agnete Sivertsen, tlf 95 93 46 98, agnete.sivertsen@hvm.museum.no
Andre kurs finn du her
Tid
7 (Laurdag) 09:30 - 8 (Sundag) 17:00