Ola Håstabø 200 år

I år hadde Ola Håstabø vorte 200 år! Det vil Hardanger Spelemannslag og Hardanger folkemuseum i samarbeid med fleire feire med fleire arrangement helga 13. – 14. november.

Konsert og utstilling fredag, Trudvang i Granvin

Fredag 13.november vert det Håstabøkonsert i Trudvang kl. 20.00 med Åse Teigland, Svein Laingen Kjerland, Jonas Laupsa, Anna Margrethe Emmerhoff. Alexander A. Røynstrand, Åsmund N. Røynstrand og Hardanger spelemannslag. Hardanger folkemuseum syner ei utstilling om Ola Håstabø.

Billettar i døra: medlem i spelemansslaget: 250,- / Ikkjemedlem: 300,- / Under 16 år: gratis

Frå kl 21.30: Pub på Jaunsen

Kappleik og dans laurdag, Trudvang i Granvin

12.00: Sjokoladekappleik

13.00: hardingfelekappleik i Trudvang (sal av mat og drikke)

Ein kan melde seg på til: pamelding@hardingfolk.no

Frå kl 18.00: Dans, Trudvang

Ola Håstabø

Ola Håstabø (1826-1899) var ein norsk spelemann frå Hardanger. Han kom frå Løfloten under Håstabba, som garden også vert kalla. Løfloten ligg like ved Kvanndal. Etter Håstabø finst det meir enn 30 slåttar som han laga eller formidla vidare i si eiga utforming. Han har forma ut slåtten Spelar-Guro, som han hadde etter Nils Rekve, og bruraslåtten etter Isak Rokne. Spelar-Guro vart kalla opp etter kona, som heitte Guro. Slåtten er og kjend under namnet Fjøllmanngjenta. Håstabø budde i sine eldre dagar på Hamre. Det er kjent at han spelte på ei isak-fele frå 1751.

Håstabø hadde lært mykje spel av Nils Rekve, og var ein av dei faste læresveinane hans. Elles var han i lag med Per Bulko og Nils Reiseter. Han tok og imot og spela i lag med spelemenn frå Telemark. Ola Mosafinn var på Løfloten i 1850 og fekk ei rad med slåttar av Ola. Han hadde ei rekkje andre læresveinar, deriblandt Nils Tjoflot, som han rekna som ein av dei beste, og Halldor Meland. Ein annan var Per Kjepso (1873-1925).