Soria Moria

Soria Moria Foredrag om utvandringa frå Voss til USA – og litt frå Hardanger.

Velkomen til foredrag ved Eirik Helleve på Hardanger folkemuseum onsdag 10. desember kl 14.00.

200 år sidan utvandringa starta

Det er i år 200 år sidan den organiserte masseutvandringa frå Noreg til USA tok til. Voss vart raskt ei av dei største utvandringsbygdene i landet, og truleg utvandra meir enn 7000 vossingar. Mange av desse markerte seg i USA. Eirik Helleve, styrar ved Voss folkemuseum, gav tidlegare i år ut boka Soria Moria. Utvandringa frå Voss til USA. I dette foredraget vil han fortelja om ulike sider ved utvandringa, om nokre av dei som utmerka seg, og litt om det norske Amerika i dag. Han kjem til å konsentrera seg om Voss og vossingar, men han kjem nok òg til å kika mot Hardanger nokre gonger. Foredraget er rikt illustrert.

Kafeen er ope med kaffi, te og lefse eller kake.