Foredrag med Sverre Strandenes og Morten Spjøtvold

Velkomen til sesongopning på Hardanger folkemuseum sundag 3. mai kl 17.00. Me byr på føredrag om treskjerar og stilskapar Lars Kinsarvik og om rosemålar og tusenkunstnar Gunnar A. Aarekol, samt musikalsk tonefylgje ved felespelar Arne Fykse. Programmet skal vera i utstillinga Dekor på tre, og kafeen er også ope.

Lars Kinsarvik

Lars Trondsson Kinsarvik (1846 – 1925) er kalla skaparen av den norske stilen, eller drakestilen innan treskjering, og fekk stor innverknad på korleis norsk treskjerarkunst utvikla seg ved førre århundreskifte. Han var særleg inspirert av mellomaldertreskurd, stavkyrkjeportalar, segn og soger. Kinsarvik hadde mange utsmykkingsoppdrag, var representert på fleire utstillingar både i Noreg og utlandet, mellom anna på verdsutstillinga i Paris i 1899.

Foredraget om Kinsarvik vert hald av Morten Spjøtvold. Han er kunsthistorikar og kurator ved Kode i Bergen, med særleg ansvar for møblar, glas og smykkekunst.

Gunnar Aarekol

Gunnar Arnfinnson Aarekol (1784 – 1855) var rosemålar, særleg kjend for sine karakteristiske roser med fire, store blad. Hjå prost Niels Hertzberg lærte han både tysk og latin, samt bokbinding, og var fast bokbindar både for Hertzberg og andre embetsfolk. Aarekol var interessert i astronomi, dyrka frukt og tobakk, og starta eit bakeri.

Foredraget Gunnar Arnfinnson Årekol – ein aktiv og unik bygdekunstnar frå Hardanger vert halde av Sverre Strandenes. Han har gitt ut fleire bøker, mellom anna En reise blant rosemalere i Hardanger som kom i 2025.

Arne Fykse

Lars Kinsarvik var og felespelar. Folkemusikkarkivar og spelemann Arne Fykse spelar slåttar etter Kinsarvik og byr på gode historier.

Museet og kafeen er ope heile dagen, frå kl 10.