Archive
EXHIBITIONS
Arrangementstype:
Utstilling
Utstilling
Alle
Arrangement
For familien
Konsert
Kurs
Arrangør:
Hardanger folkemuseum
Hardanger folkemuseum
Alle
Agatunet
Borgstova
Granvin bygdetun
Hardanger fartøyvernsenter
Hardingfela
Kunsthuset Kabuso
Skredhaugen
Storeteigen
Voss folkemuseum
okt. 2020

Om arr.
Laurdag 17. oktober opnar me ei vakker kunstutstilling på Hardanger folkemuseum - "Et underlig fenomen", med måleri av kunstnaren An Doan Nguyen. Me startar med utstillingsopning, og vidare vert det musikkteater
Om arr.
Laurdag 17. oktober opnar me ei vakker kunstutstilling på Hardanger folkemuseum – “Et underlig fenomen”, med måleri av kunstnaren An Doan Nguyen.
Me startar med utstillingsopning, og vidare vert det musikkteater med framsyninga “Husmann”.
An Doan Nguyen (f. 1978, Phuc Long, Vietnam) stillar ut ei serie malerier inspirert av landskapet i Hardanger.
Utstillinga står til 13. november 2020.
Kunstnaren fortel sjølve om utstillinga:
“Jeg ser, jeg ser…
Jeg er visst kommet på en feil klode!
Her er så underlig…
Av Sigbjørn Obstfelder. Fra Digte 1893.
En tilfeldighet har omsider ført meg til en region jeg i mange år har ønsket å besøke – og ikke minst gjengi med olje på lerret. Et foto på Facebook i corona-stuntet «View from my window» var ballen som fikk det til å rulle. Tilfeldigvis kom jeg over Kjell-Erik Ruud`s foto av fjellet Oksen. Motivet var tatt fra hans stuevindu i Utne. Fotografiet gjorde sterkt inntrykk på meg og i flere dager gikk jeg og tenkte på dette motivet. – Det var et bilde av et landskap jeg synes var magisk. Jeg bare måtte dit og se selv. Jeg visste ikke da at bildet var tatt i Hardanger.
Allerede som 13 åring undret jeg meg over hvordan malere som J.C Dahl, Kittelsen, Harald Sohlberg, Tidemand og Gude kunne male slike vakre, underlige og dramatiske landskaper. Jeg husker godt hvordan jeg den gang kunne sitte i timesvis og bla i bøker med motiver fra denne perioden i norsk og europeisk kunsthistorie. Tidlig utviklet jeg en fascinasjon mot det dramatiske eller sublime i landskapsmaleriet. En fascinasjon som har fulgt mitt kunstnerskap i alle disse årene og som på ulike måter preger mine landskapsmalerier den dag i dag.
Denne utstillingen er et resultat av oppholdet mitt på Utne. Under oppholdet mitt har jeg reist på kryss og tvers i Eidfjord og nye Ullensvang. Over majestetiske fjell, frodige, tåkete daler, ruvende skog, åpne sletter og dype fjorder. Under oppholdet mitt har jeg hele tiden hatt opplevelsen av å befinne meg i et fremmed og underlig landskap. Enkelte ganger har jeg tenkt; dette landskapet blir nesten for vakkert å male på en sannferdig måte. For hvordan formidler jeg et landskap som har gjort et så sterkt inntrykk på meg?
Jeg har i denne utstillingen prøvd å formidle mitt inntrykk av dette landskapet. Motivene er ikke nødvendigvis gjengitt på en slavisk måte. Det har heller aldri vært min intensjon. Jeg har derfor tatt meg den frihet å bearbeide både motiver og farger. Enkelte elementer har jeg bevisst utelatt mens andre elementer har jeg diktet inn i landskapet. Jeg har bevisst tilnærmet meg prosjektet med et åpen sinn – dette er mine inntrykk av et underlig, vakker og mystisk landskap. ”
Meir om Nguyen:
Nguyen er utdanna frå mellom anna
Wimbledon College Of Art, Bachelor Fine Art og Kunsthistorie ved Universitetet i
Bergen. Han er innkjøpt av fleire store aktører i både inn- og utland og har utsmykka fleire private og offentlege bygg.
Nguyen sine måleri kan plasserast innafor den fotorealistiske sjangeren. Kunstnarens arbeider er ofte svært detaljerte og strøkene kraftig utpensla. Ljos og skugge er nøye
gjennomtenkt og nyttast på ein dramatisk og understrekande måte. Kontrastar og
dramatiske komposisjonar kan til tider referere til barokkens mestermålarar, som til dømes Rembrandt,
Caravaggio og Velasques.
På same tid ve kunstnaren å ikkje forholde seg innafor ein gitt sjanger. Arbeida hans varierar frå eit impresjonistisk, nær abstrakt ekspresjonistisk formspråk, til eit
fotorealistisk og presist utrykk. Måleria kan framstå som bruddstykker eller
fragment frå eit landskap, eit minne eller ei kjensle. Nokre av motiva er improvisert slik at element som farge, ljos, skugge og objekt endrast. Slik kan kunstnerens arbeid opna for eit mier meditativt og målerisk utrykk, som til tidar rørar seg innafor eit drømmeaktig og nesten surrealistisk formspråk.
I Nguyens verk, anten dei skildrar tomme parkeringsplassar, øde gater eller forlatte industriområder, skapar fråværet av menneske, forstyrrande element og støy ein nesten apokalyptisk stemning, ofte i sterk kontrast til kunstnarens utradisjonelle
fargevalg. Fargetonane kan bevege seg frå kjølig blått, lys turkis til magenta.
Sjølv om Nguyens arbeid kan variera mykje i tema og motiv kan eitt og same
verk uttrykkje både djup einsemd og vibrerande livsgnist.
Etter utstillingsopninga er det framsyning av musikkteateret Husmann.
Pris for båe arrangement: 350,-. Billettar må førehandstingast. Lenkje: https://hardangerfolkemuseum.ticketco.events/no/nb/e/konsert_husmann_og_utstillingsopning_et_underlig_fenomen
Ta ellers kontakt på epost: post@hvm.museum.no.
Tid
Okt. 17 (Laurdag) 18:30 - Nov. 13 (Fredag) 15:00
Billettar
>>> KjøpHending på Facebook
>>> Utstillingsopningjuni 2020

Om arr.
21.06.20 - 06.09.2020 VANDREUTSTILLING: EVENTYRLIGE INTERIØRER Ei vakker vandreutstilling og ein verdskunstnar kjem til Hardanger i sommar! Frå 21. juni til 6. september husar me den vakre utstillinga Gerhard Munthe. Eventyrlige interiører.
Om arr.
21.06.20 – 06.09.2020 VANDREUTSTILLING: EVENTYRLIGE INTERIØRER
Ei vakker vandreutstilling og ein verdskunstnar kjem til Hardanger i sommar!
Frå 21. juni til 6. september husar me den vakre utstillinga Gerhard Munthe. Eventyrlige interiører. Denne vil du ikkje gå glipp av!
Utstillinga er i regi av Nasjonalmuseets landsdekkende program, og er laga i samarbeid med kuratorene Widar Halén og Jan Kokkin.
Gerhard Munthe var ein særeigen kunstnar, og er mest kjend som biletkunstnar. Men det var kanskje innanfor områdene interiør og design han gjorde sitt mest betydningsfulle og mest nyskapande arbeid. Munthe var inspirert av japanismen, syntetismen og art nouveau, men han var fyrst og fremst nasjonal i sin kunst. Både oldtid og folkekunsten har sett djupe spor i Munthe sine verk og design. Han ynskja seg attende til det heimlege, det norske – og henta inspirasjon frå norsk natur, segn, myter og eventyr til mellom anna vevnader, tapet, møblar, porselen og veggdekorasjoner.
Munthe gjorde ein tydingsfull innsats innanfor romutsmykning og interiør: Håkonshallen i Bergen, Eventyrværelset på Holmenkollen Turisthotell, Kunstindustrimuseet i Oslo, Strand gård i Numedal og Cath. Bangs spisestue i Kristiania er mellom dei største. Til desse interiøra laga han ikkje berre veggutsmykninger, men teikna og møbler, dører og anna inventar. Slik vart desse arbeidene blant landets første Gesamtkunstwerk.
Han verka på den internasjonale scenen og hadde «et ord og en stemme med i verdenskonserten», som kunsthistorikaren Andreas Aubert uttrykka det.
Saman med fleire samtidige kunstnare i Europa, bana han veien for den abstrakte og modernistiske kunsten på byrjinga av 1900-tallet, og han reknast i dag som ein av dei mest radikale art noveau-kunstnarene rundt århundreskiftet.
Denne vandreutstillinga gjev eit godt innblikk av Munthe si endelause fantasirikdom og originalitet, og ikkje minst bredden i hans skapargjerning.
Fleire originalverk er med i utstillinga. Eitt eksempel er Eventyrstolen (1898), som opprinneleg sto i Eventyrværelset på Holmenkollen Turisthotell. Dette hotellet brann diverre i 1914 – og berre nokre få gjenstander vart redda ut. Interiøret Munthe skapte for Håkonshallen i Bergen i åra 1910-1916 brann i 1944. Fleire reproduksjonar frå Håkonshallen er med i utstillinga, mellom anna den store Kristina-frisen – ei biletforteljing om prinsesse Kristina, syster til Magnus Lagabøte, si ferd til Castilla på midten av 1200-talet – der ho skulle gifta seg med kongens bror.
Publikum får og normalt høve til å prøve seg på veving i utstillinga. Ein vevstol er er sett opp, og for kvar utstillingsstad veks vevnaden. Munthe teikna mykje for vev, og har vore ein viktig person for vevekunsten i Noreg. Kona hans Sigrid var ei dyktig veverske og har vevd fleire av hans design, i likheit med kjende namn som Frida Hansen og Augusta Christensen. Denne publikumsveven vil ikkje kunne nyttast hjå oss av smittevernomsyn, men ein kan sjå vevnaden og ein instruksjonsvideo som er produsert til den.
I tillegg til originalverkene, visast ei rekke reproduksjonar og fotografier av Munthe sine viktigste romdekorasjonar, til dømes kunstnerens egen heim Leveld på Lysaker, Strand gård i Numedal, og altså Håkonshallen. Utstillinga inneheld ein imponerande animasjon over Munthes omfattende dekorasjonar i Håkonshallen, der ein får eit inntrykk av heilskapen i dei utsøkte veggmaleriene, glassmaleriene, portaler, benker med hyndetrekk (putetrekk), eit musikkgalleri, og den nemde Kristina-frisen.
Samtidskunstneren Anders Smebye har i tillegg laga en intervensjon med Munthe sitt Svømmende Havmenn fra Håkonshallen, i form av eit stort teppe.
Det er laga ein førar til publikum i utstillinga, og det følger også med eit eiget aktivitetshefte for barn og unge til utstillinga.
Tid
Juni 21 (Sundag) 15:30 - Sept. 6 (Sundag) 15:00
nov. 2019
fre01nov10:00sun03(nov 3)17:001000 bringklutar10:00 - 17:00 (3)

Om arr.
Vår fantastiske bringklututstilling er inne i avslutninga. Har du enno ikkje har sett utstillinga, eller vil oppleva ho igjen, må du nytta høvet no! For å gje flest mogleg høve, utvidar vi
Om arr.
Vår fantastiske bringklututstilling er inne i avslutninga.
Har du enno ikkje har sett utstillinga, eller vil oppleva ho igjen, må du nytta høvet no!
For å gje flest mogleg høve, utvidar vi utstillinga med nokre dagar, og held ope heile fyrste helga i november.
Fredag 1/11: 10-17.
Laurdag 2/11: 11-17.
Sundag 3/11: 11-17.
Ut oktober er museet ope alle kvardagar 10-15.
Velkomne alle!
Tid
1 (Fredag) 10:00 - 3 (Sundag) 17:00
juni 2019

Om arr.
Sundag 16. juni opnar ein både sjarmerande og imponerande utstilling i kafélokalet på Hardanger folkemuseum: kring nydelege 20 dokker, kledd i folkedrakt etter Adolph Tidemand sine portrett! Britt Kjellesvik Rage er
Om arr.
Sundag 16. juni opnar ein både sjarmerande og imponerande utstilling i kafélokalet på Hardanger folkemuseum: kring nydelege 20 dokker, kledd i folkedrakt etter Adolph Tidemand sine portrett!
Britt Kjellesvik Rage er kunstnaren bak dei vakre dokkene. Ho har studert drakthistorie ved NTNU, og har galleri og verkstad på Våge på Tysnes. Ho er mest kjend for sine dokker i autentiske folkedrakter fra Vestlandet og mellomalder. Ho har drevet verkstaden på Breidablikk sidan 2000. No driv ho modulbaserte historiske draktstudier i Danmark.
Til utstillinga på Hardanger folkemuseum har ho med seg dokker som er utforma med utgangspunkt i Adolph Tidemand sine portrett. Tidemand arbeida over ein periode på 30 år, frå 1843 til 1847 med draktstudier – eit studie som er av høg kunstnerisk og kulturell verdi. Tidemand etterlet seg ei stor samling arbeider frå draktstudiene sine, både oljemaleri, teikningar, akvareller og skissebøker. Heile denne samlinga er i dag i Nasjonalgalleriets eie, der mange inngår i basisutstillinga.
Britt Rage kopierar i miniatyr draktene frå Tidemands bilete. Det er arbeid med ein imponerande utføring og detaljrikdom, samvitsfullt gjengjeve til minste detalj. Dokkene har vekt både nasjonal og internasjonal merksemd.
Britt har arbeidd mykje med eldre draktmateriale i ulike kanalar, og i tillegg til å setja opp utstillingar har ho og halde foredrag, skrive artiklar og blogga om emnet. I 1986 publiserte ho boka “Folkedrakter i Sunnhordaland – frå Tysnes på 1800-talet.” Ho har seinare bygd opp ein stor database database over gamle draktplagg frå Tysnes. Prosjektet vart realisert i 2009 som eksamensoppgåve i samband med studiet “Drakt og samfunn 2” på NTNU og Bunad- og folkedraktrådet. Databasen tel no nesten 500 plagg. Dei vert og presentert i ein flott blogg, som du kan besøka her. Ho har hatt ein rekkje utstillingar dei siste 30 åra.
Dette er ein flott utstilling med imponerande handverk, som formidlar kulturarven og drakthistoria vår på ein svært tilgjengeleg måte. Du finn ho på loftet, i kafélokalet!
Tid
Juni 16 (Sundag) 13:00 - Sept. 1 (Sundag) 17:00
EVENTS
Arrangementstype:
Arrangement
Arrangement
Alle
Konsert
Kurs
Utstilling
Arrangør:
Hardanger folkemuseum
Hardanger folkemuseum
Alle
Agatunet
Borgstova
Granvin bygdetun
Hardanger fartøyvernsenter
Hardingfela
Kunsthuset Kabuso
Skredhaugen
Storeteigen
Voss folkemuseum
sept. 2020
sun13sep13:00sun17:00AVLYST! KulturminnedagenUsikkert arrangement grunna korona13:00 - 17:00

Om arr.
NB! Kulturminnedagen har vore planlagt å skulle gå av stabelen sundag 13.9. Av di koronarelaterte restriksjoner ikkje har vore letta vert arrangementet vanskeleg å gjennomføra slik me ynskjer - så me
Om arr.
NB! Kulturminnedagen har vore planlagt å skulle gå av stabelen sundag 13.9.
Av di koronarelaterte restriksjoner ikkje har vore letta vert arrangementet vanskeleg å gjennomføra slik me ynskjer – så me ser oss nøydd til å avlysa.
Her vert det mange kjekke aktivitetar for store og små, som de både kan sjå på og delta i. Meir info om kva aktivitetar kjem.
Det vert familiekonsert med Kari Finne Sognnæs og Ellen Marie Selland Geithung.
Barnekaféen “Det gyldne eple” er og ope. Her styrer borna sjølve butikken med sal av eplemuffins og eplesaft.
Det vert sal av eldhuspizza, eplesaft og kaffi frå eldhuset.
Kuturminnedagane markerast over heile landet i perioden 5-13.9.20. Årets tema er Lære, bruke, bære.
Velkomne!
NB! Museet med utstillingar og butikk er ope frå 13-17. Kaféen er ope frå 13:30-17.
Tid
(Sundag) 13:00 - 17:00
lau12sep16:00lau18:30Diktardagen 2020Årets diktar: Hilde Myklebust16:00 - 18:30

Om arr.
NB! Diktardagen haldast vanlegvis i juni, men grunna koronasituasjonen er arrangementet i 2020 flytt til 12.9.20. Ein norsk diktar skal heidrast med ei dikttavle, som leggjast ned i den vakre diktarstien
Om arr.
NB! Diktardagen haldast vanlegvis i juni, men grunna koronasituasjonen er arrangementet i 2020 flytt til 12.9.20.
Ein norsk diktar skal heidrast med ei dikttavle, som leggjast ned i den vakre diktarstien som slynger seg mellom husa i museumstunet.
Hardanger folkemuseum arrangerar denne dagen i lag med Olav H. Haugesenteret. Etter at Olav H. Hauge mottok prisen i 1993, har sentrale norske lyrikarar kvart år blitt heidra på Diktarstien ved Hardangerfjorden. Diktartavlen inneheld eit dikt, ein strofe eller eit sitat vald av diktaren sjølve, og vert utforma og hogga av kunstnar Cecilie Broch Knudsen. Diktarstien vart etablert på 85-årsdagen til Olav H. Hauge i 1993, og formar no ein lyrisk hellegang i museumstunet. Av tidlegare prisvinnarar finn ein markante poetar som Halldis Moren Vesaas, Jan Erik Vold, Kolbein Falkeid, Eldrid Lunden, Jon Fosse, Cecilie Løveid og Øyvind Rimbereid.
Årets diktar er Hilde Myklebust.
Når Myklebust får si diktartavle på Diktarstien på Utne 12. september, går ho inn i rekkja av viktige poetar i vår tid.
Hilde Myklebust debuterte med diktsamlinga Berre dagar seinare i 2005, og har sidan gitt ut tre diktbøker. Den siste Kvar ein fugl, kom i 2018. Ho har også skrive fleire barnebøker i samarbeid med illustratørar. – Myklebust har markert seg gjennom ein utprega lyrisk forfattarskap i stadig utvikling. Vi er med glade for å gi Diktartavla 2020 til ein ung og markant poet med ei særeigen poetisk røyst, seier dagleg leiar Geir S. Netland ved Hauge-senteret.
Naturen og menneska
I Hilde Myklebust si diktverd finn ein utprega varleik til omgivnader og naturteikn, og eit sterkt omsyn til både dyr og menneske. Under det heile ligg ei uro og eit medvit om ei kald og hard røynd, i løpet av få skriftteikn og linjer kan hendingar skje og stemningar snu. – Slik viser diktinga til Myklebust ei haldning, ei lytting, og ein respekt for naturen og alt som lever, seier konservator Stein Arnold Hevrøy ved Hauge-senteret.
Les meir om Diktarstien her.
Me startar i tunet med nedlegging av steinen. Etterpå skal Stein A. Hevrøy, konservator ved Haugesenteret, halde ei innleiing om Myklebust sin forfattarskap, før det vert konsert.
Artistar er Mari Skeie Ljones (hardingfele) og Camilla Granlien (vokal).
Mari Skeie Ljones er frå Jørstadmoen på Lillehammer, og spelar fele og hardingfele med basis i slåttemusikken frå Gudbrandsdalen og Hardanger. I 2010 tok Mari eksamen i utøvende master på Norges Musikkhøgskole og har sidan det vore frilans musikar med base i Oslo.
Camilla Granlien er folkesongar og artist, busett på Lillehammer. Ho er utdanna master i tradisjonskunst frå Høgskolen i Telemark og har fordjupa seg i songtradisjonen frå Gudbrandsdalen. Frå 1997 har ho jobba ved folkemusikklinja ved Vinstra vidaregåande skule og har hatt songelevar ved Norges musikkhøgskole. I dag er ho frilansmusikar og er aktiv både som soloartist og i samarbeid med ulike musikarar og kunstnarar både som songar, låtskrivar og forteljar. I 2008 fekk ho Kongepokalen for sitt arbeid med folkesong.
Programstart klokka 16.
Billettar kr. 250/225.- Billettar kan kjøpast her: https://hardangerfolkemuseum.ticketco.events/no/nb/e/diktardagen_og_konsert, eller i døra.
Konsertane på Hardanger folkemuseum vert arrangert i samarbeid med Hardanger folkemusikksamling, med støtte frå Norsk kulturråd.
Vel møtt til ein flott dag!
(Foto: Ingvil Skeie Ljones)
Tid
(Laurdag) 16:00 - 18:30
Billettar
Kjøp billett herfeb. 2020

Om arr.
Hausten 2019 kom boka Hjartebank - historia om Oddny Miljeteig.
Om arr.
Tid
(Fredag) 17:30 - 18:30
sun09feb15:30sun00:00Nyttårskonsert med kulturskulen15:30 - 00:00

Om arr.
Ullensvang kulturskule, avdeling aust- og vestsida, skipar til nyttårskonsert på Hardanger folkemuseum sundag 9. februar kl 15.30 Elevar spelar og syng. Alle er hjarteleg velkomne til ei musikalsk hyggestund. Vaksne:
Om arr.
Ullensvang kulturskule, avdeling aust- og vestsida, skipar til nyttårskonsert på Hardanger folkemuseum sundag 9. februar kl 15.30
Elevar spelar og syng. Alle er hjarteleg velkomne til ei musikalsk hyggestund.
Vaksne: kr. 100,- Born: gratis inngong.
Tid
(Sundag) 15:30 - 00:00
fre07feb19:30Konsert med Alexander Røynstrand19:30

Om arr.
Me har gleda av å invitera til konsert med Alexander Aga Røystrand på Hardanger folkemuseum fredag 7.2.20 kl. 19:30. Alexander Aga Røynstrand har dei siste åra markert seg som ein av
Om arr.
Me har gleda av å invitera til konsert med Alexander Aga Røystrand på Hardanger folkemuseum fredag 7.2.20 kl. 19:30.
Alexander Aga Røynstrand har dei siste åra markert seg som ein av dei aller fremste utøverane på hardingfele i landet. På Landskappleiken i sommer gjekk han av med sigeren i A-klassa for hardingfele, og vann med det kongepokal. Alexander er solid forankra i den rike folkemusikktradisjonen i Hardanger, og kjent for ei framifrå formidlingsevne. Han spelar gamle og og nye slåtter.
Kafé med sal av forfriskningar.
NB! Merk at ferjo no går frå Kinsarvik klokka 18:25 på fredager, og attende frå Utne 22:05.
Velkomne!
Billettar kr. 200/180.
Konsertane på Hardanger folkemuseum vert arrangert i samarbeid med Hardanger folkemusikksamling og med støtte frå Norsk kulturråd.
Foto: Knut Utler
Tid
(Fredag) 19:30
nov. 2019
fre15nov19:30NovgorodFolkemusikk19:30

Om arr.
Fredagskveld med Novgorod! Gabriel Fliflet stiller med eit stjernelag av musikarar - kjende frå mellom anna Real Ones - på Hardanger folkemuseum fredag 15. november kl 19.30. Gabriel Fliflet (trekkspel, vokal) David Chelsom
Om arr.
Fredagskveld med Novgorod!
Gabriel Fliflet stiller med eit stjernelag av musikarar – kjende frå mellom anna Real Ones – på Hardanger folkemuseum fredag 15. november kl 19.30.
Gabriel Fliflet (trekkspel, vokal)
David Chelsom Vogt (fele, vokal)
Kristoffer Chelsom Vogt (kontrabass, vokal)
Jørgen Sandvik (gitar, vokal)
Om Novgorod:
“Det er på tide at noen leverer musikken som dufter av solbelyste tømmervegger og syder av tjern og myrer. Det er på tide at noen gir oss musikken fra lave trebyer ved Østersjøen, fra hodeløse vodkafester med saltagurk, honning og smetana i etterkrigstidens nye lavblokker.
Noen må nå komme med den fyrrige musikken som rant ut fra cabaretlokalet, som fløt opp fra dansebanen ved elven, og valsene, verdens vakreste…
Novgorod vil hente fram denne musikken: Musikken som er russisk, finsk, jødisk, nordsvensk, sigøynsk. Moll-dominert og melankolsk. Vill og vital!”
På konsert med Novgorod kan du få høyra originale tolkingar av hardtsvingande finsk humppa, jiddisk tango og lengtnadsfulle valsar, nordsvensk swing (med kosakktrinn) og lærerike songar på tysk av Bertold Brecht/Kurt Weill. Med innleving og temperament og kraftfull firstemt song. På eit utal språk.
Novgorod vart danna i 2003 og har m.a. spelt på Festspillene i Bergen, Nattjazz, VossaJazz, Balkanfest, Litteratursymposiet i Odda, Hardingtonar, Kunsthuset Kabuso, Columbi Egg og Riksscenen.
Gabriel Fliflet er vaksen opp til lyden av svensk, finsk og norsk song. Kåra til årets folkemusikar i 2011. Mange kjenner Fliflet frå samarbeidet med trommeslagar Ole Hamre i dueon Fliflet/Hamre. I denne samanhengen ausar han av kjennskapen sin til etnisk populærmusikk frå sitt finske fødeland, sigøynarmusikk m.m.
David Chelsom Vogt og Jørgen Sandvik har spela saman sidan dei var små. Best kjend er dei frå bandet Real Ones, som starta med irsk og britisk folkemusikk og etterkvart utvikla sin eigen fengande pop-stil med impulsar frå eit utal etniske tradisjonar. Kritikaryndlingar, bylarmprisen 2007, Spellemannsprisen 2013.
Prisløna Kristoffer Chelsom Vogt deltek med storebror David i nyskapande Kniv og Taffel Swingjazzorkester og med Gabriel Fliflet i bl.a. verket Åresong. Både Kristoffer Vogt og Jørgen Sandvik var sentrale i Fliflet sitt bestillingsverk til Vossajazz 2013 – Valseria.
BILLETTAR SELGJAST I DØRA: KR 250,-
Frå pressa:
”En opplevelse man sent vil glemme… Disse guttene har spilleglede i høysetet.” (Fanaposten)
”Alle lar seg begeistre av denne humørfylte kvartetten” (Bergens Tidende)
“Macho er tilbake. Etter ein time med finske tømmerfløytarsongar og annan djuprøysta, melankolsk musikk vandra vi ut lett øsne. Ikkje visste vi at musikk frå våre austlege naboland kunne vere så macho! Mannenmannen har vore ute i minst tre tiår, men om Novgorod gjer det stort – som dei burde, er han på veg inn igjen.”
(Lesarinnlegg av journalist Katrine Sele i bladet Folkemusikk)
Tid
(Fredag) 19:30
sept. 2019

Om arr.
I samband med Jon Fosse sitt 60-årsjubiluem denne hausten, har felespelar Knut Hamre og dramaturg Ola E. Bø sett saman eit program med hardingfeleslåttar og opplesing. Musikken er henta frå
Om arr.
I samband med Jon Fosse sitt 60-årsjubiluem denne hausten, har felespelar Knut Hamre og dramaturg Ola E. Bø sett saman eit program med hardingfeleslåttar og opplesing. Musikken er henta frå den rike folkemusikktradisjonen i Hardanger, og tekstene er henta frå Triologien til Fosse, som består av Andvake, Olavs draumar og Kveldsvævd. Her møter ein mange skildringar av det å spela og å vera spelemann, og Fosse si, særmerkte stil står godt til dei musikalske uttrykka som ligg i hardingfeleslåttane.
Knut Hamre er mellom våre fremste og mest meritterte utøvarar på hardingfele, og den store nestoren når det kjem til tradisjonsmusikken frå Hardanger. Ola E. Bø er tidlegare dramaturg og språkrettleiar ved Det Norske Teateret. Han har lagd ei rekkje verk til rette for teaterscena, og omsett teaterstykke og musikalar.
“…og i spelet kunne sorga letna og bli til flog…” er nyprodusert og vert framførd hausten 2019 i Oslo, Bergen og på Utne.
Billettar: 250,-
Kaféen er ope i forkant frå klokka 16:00.
(foto: Elisabeth Emmerhoff)
Tid
(Sundag) 17:00
sun08sep14:00sun17:00Kulturminnedagen 2019- framtidas kulturarv14:00 - 17:00

Om arr.
Kvart år arrangerar me Kulturminnedagen i museumstunet. Då vert det mange spanade aktivitetar for både store og små, som de både kan sjå på og delta i. Det vert handtverk,
Om arr.
Kvart år arrangerar me Kulturminnedagen i museumstunet. Då vert det mange spanade aktivitetar for både store og små, som de både kan sjå på og delta i. Det vert handtverk, song og dans, og godt å drikka og eta. Me fyrar i eldhuset og lagar steinomnsbakt pizza, og serverar eplesaft pressa av dei historiske eplesortane i museumshagen, som borna får vera med å pressa. Me har og ein eigen kafé for borna – Det gyldne eple.
Kulturminnedagane arrangerast over heile landet, og har kvart år eit tema. Tema for 2019 er “Framtidens kulturarv.”
Meir info kjem.
Tid
(Sundag) 14:00 - 17:00
juni 2019

Om arr.
Sundag 16. juni opnar ein både sjarmerande og imponerande utstilling i kafélokalet på Hardanger folkemuseum: kring nydelege 20 dokker, kledd i folkedrakt etter Adolph Tidemand sine portrett! Britt Kjellesvik Rage er
Om arr.
Sundag 16. juni opnar ein både sjarmerande og imponerande utstilling i kafélokalet på Hardanger folkemuseum: kring nydelege 20 dokker, kledd i folkedrakt etter Adolph Tidemand sine portrett!
Britt Kjellesvik Rage er kunstnaren bak dei vakre dokkene. Ho har studert drakthistorie ved NTNU, og har galleri og verkstad på Våge på Tysnes. Ho er mest kjend for sine dokker i autentiske folkedrakter fra Vestlandet og mellomalder. Ho har drevet verkstaden på Breidablikk sidan 2000. No driv ho modulbaserte historiske draktstudier i Danmark.
Til utstillinga på Hardanger folkemuseum har ho med seg dokker som er utforma med utgangspunkt i Adolph Tidemand sine portrett. Tidemand arbeida over ein periode på 30 år, frå 1843 til 1847 med draktstudier – eit studie som er av høg kunstnerisk og kulturell verdi. Tidemand etterlet seg ei stor samling arbeider frå draktstudiene sine, både oljemaleri, teikningar, akvareller og skissebøker. Heile denne samlinga er i dag i Nasjonalgalleriets eie, der mange inngår i basisutstillinga.
Britt Rage kopierar i miniatyr draktene frå Tidemands bilete. Det er arbeid med ein imponerande utføring og detaljrikdom, samvitsfullt gjengjeve til minste detalj. Dokkene har vekt både nasjonal og internasjonal merksemd.
Britt har arbeidd mykje med eldre draktmateriale i ulike kanalar, og i tillegg til å setja opp utstillingar har ho og halde foredrag, skrive artiklar og blogga om emnet. I 1986 publiserte ho boka “Folkedrakter i Sunnhordaland – frå Tysnes på 1800-talet.” Ho har seinare bygd opp ein stor database database over gamle draktplagg frå Tysnes. Prosjektet vart realisert i 2009 som eksamensoppgåve i samband med studiet “Drakt og samfunn 2” på NTNU og Bunad- og folkedraktrådet. Databasen tel no nesten 500 plagg. Dei vert og presentert i ein flott blogg, som du kan besøka her. Ho har hatt ein rekkje utstillingar dei siste 30 åra.
Dette er ein flott utstilling med imponerande handverk, som formidlar kulturarven og drakthistoria vår på ein svært tilgjengeleg måte. Du finn ho på loftet, i kafélokalet!
Tid
Juni 16 (Sundag) 13:00 - Sept. 1 (Sundag) 17:00

Om arr.
Hardanger folkemuseum har gleda av å invitera til familiedag sundag 16. juni kl 13. Program: Leikar i tunet Dansekurs for born Rannveig Djønne (toradar) spelar til dans og Johanna Mjeldheim gjev
Om arr.
Hardanger folkemuseum har gleda av å invitera til familiedag sundag 16. juni kl 13.
- Program:
- Leikar i tunet
- Dansekurs for born
Rannveig Djønne (toradar) spelar til dans og Johanna Mjeldheim gjev ei innføring i folkedans - Opning av utstillinga Dokker i folkedrakt
- Opning av kultursti
- Lansering av frukthage, med planting av frukttre
Sal av pølser og is
Gratis arrangement
Tid
(Sundag) 13:00

Om arr.
Ein norsk diktar skal heidrast med ei dikttavle, som leggjast ned i den vakre diktarstien som slynger seg mellom husa i museumstunet. Hardanger folkemuseum arrangerar kvart år denne dagen i
Om arr.
Ein norsk diktar skal heidrast med ei dikttavle, som leggjast ned i den vakre diktarstien som slynger seg mellom husa i museumstunet. Hardanger folkemuseum arrangerar kvart år denne dagen i lag med Olav H. Haugesenteret. Diktartavlen inneheld eit dikt, ein strofe eller eit sitat vald av diktaren sjølve, og utformast og hoggast av kunstnar Cecilie Broch Knudsen. Diktarstien vart etablert på 85-årsdagen til Olav H. Hauge i 1993, og formar no ei lyrsik hellegang med 27 dikttavlar.
Årets diktar er lyrikar Tone Hødnebø. Les meir om Hodnebø nest i saka:
Les meir om Diktarstien her.
Før programmet og nedlegging av steinen, vert det konsert med Spellemenn – en trio beståande av Nils Økland, Benedicte Maurseth & Håkon Stene i Storsalen. Konserten er et samarbeid med Hardanger musikkfest.
Kl. 13:00: Konsert med Spellemenn – Nils Økland, Benedicte Maurseth & Håkon Sten i Storsalen.
Kl. 14:30: Avduking av Diktertavla 2019 i museumstunet.
Kl. 15:00: Innleiing om Tone Hødnebø ved Sindre Ekrheim, og prisvinnaren les utvalde dikt.
Billettar: 250,-. Billetten gjeld for heile programmet.
Vel møtt til ein flott dag!
Tone Hødnebø
Tone Hødnebø debuterte i 1989 med diktsamlinga Larm, og har utvikla ei fortetta, billedrik og musikalsk poesi gjennom hittil seks diktsamlingar. Ho skriv kjenselvare og formsterke dikt som utforskar poesiens tankekraft – ho skriv seg inn i det som allereie finst, for så å dreie mot nye måtar å forstå verda på. Ho skriv med referansar til klassisk dikting, myter, song og eventyr. Med spåkleg presisjon kombinerar ho magi og vitenskap og utforskar historiske samanhengar og menneskelege erfaringar. Ho har og gjendikta Emily Dickinson og den kanadiske poesten Anne Carsons.
Tone Hødnebø har motteke ei rekke prisar for forfattarskapen sin. I 2003 fekk ho Sultprisen, og i 2005 Doblougprisen. Ho var festspeldiktar under Festspillene i Bergen i 2007. i 2018 fekk ho både Gyldendalprisen og Triztan Vidtorns poesipris.
Tid
(Laurdag) 13:00 - 16:00
lau08jun13:00lau14:00Konsert: SpellemennNils Økland, Benedicte Maurseth og Håkon Stene13:00 - 14:00
Om arr.
8.juni har me den store gleda av å invitera til konsert med Spellemenn - Nils Økland, Benedicte Maurseth og Håkon Stene, i Storsalen på Hardanger folkemuseum. Konserten vert arrangert i samband
Om arr.
8.juni har me den store gleda av å invitera til konsert med Spellemenn – Nils Økland, Benedicte Maurseth og Håkon Stene, i Storsalen på Hardanger folkemuseum.
Konserten vert arrangert i samband med Diktardagen, og i samarbeid med Olav H. Hauge-senteret og Hardanger musikkfest.
Kl. 13:00: Konsert med Spellemenn – Nils Økland, Benedicte Maurseth & Håkon Sten i Storsalen.
Kl. 14:30: Avduking av Diktertavla 2019 i museumstunet.
Kl. 15:00: Innleiing om vinnaren av Diktertavla, og prisvinnaren les utvalde dikt.
Billettar: 250,-. Billetten gjeld for heile programmet.
Vel møtt til ein flott dag!
Her kan du lesa meir om dei dyktige musikarane:
Tid
(Laurdag) 13:00 - 14:00