Norsk English

Ingvild Lilletvedt Nordstoga

Storsalen, Hardanger folkemuseum

03.05.2015 14:30

Til sesongopning på Hardanger folkemuseum sundag 3. mai kjem Ingvild Lilletvedt Nordstoga.

Ingvild Lilletvedt Nordstoga er songar, låtskrivar og tekstforfattar frå Stamnes i Vaksdal kommune. Ho debuterte med albumet Den minste cafeen januar 2014. Her finn me musikk med element frå pop, viser, jazz og bossa-nova.

Det musikalske uttrykket er reint og enkelt. Tekst og musikk er forteljande og biletskapande. Lydbiletet er akustisk og ope, og tek vare på det umiddelbare og nære i song og formidling. Musikken trekkjer vekslar på nordisk visetradisjon - og er samstundes vakker og iøyrefallande popmusikk. Tekstene er kvardagsbetraktingar - det store i det små.

Nordstoga har det siste året turnert med fleire av landets beste musikarar. På konserten har ho med seg Helge Lilletvedt på piano/tangentar, Håkon Eivind Larsen på bass/kor og Jango Nilssen på perkusjon/kor.

Sagt om plata:
"Og ho står heller ikkje i skuggen av sine meir meritterte slektningar, ho minner meir om Joni Mitchell enn dei. Ingvild står støtt på eigne bein. Ein fullt ut godkjend debut " Firdaposten
" Visepop, ispedd silkemyk jazz". Oppland arbeiderblad
" Ingvild står trygt på egne bein i sin albumdebut...hun serverer smakfull, akustisk visepop... Det glir nydelig av gårde...Tittellåten «Den minste caféen» gnistrer herlig av forelskelse." Østlendingen

Konsertane på Hardanger folkemuseum vert arrangert i samarbeid med Hardanger folkemusikksamling og med støtte frå Norsk kulturråd.

Logo, Norsk kulturråd